- 25 -

1262, Mai 11. Viterbo.

Papst Urban IV. bestätigt die Einführung der Cistersienser an Stelle der Augustiner in Kamenz, mit Einrückung der Urkunde No. IX.

Urbanus episcopus servus servorum dei dilectis filiis . . abbati et conventui monasterii sancte Marie de Camenez Cisterciensis ordinis Wratislaviensis diocesis salutem et apostolicam benedictionem. Ammonet nos suscepti cura regiminis et auctoritas pontificalis inducit, ut et plantare sacram religionem et fovere plantatam sommopere debeamus et hiis, que cura statum et profectum ipsius rite acta esse noscuntur, apostolici muniminis adicere firmitatem. Sane petitio vestra nobis exhibita continebat, quod, cum olim monasterium vestrum, quod tunc erat ecclesia ordinis sancti Augustini, esset deformatum in spiritualibus et in temporalibus diminutum, venerabilis frater noster T(homas). Wratislaviensis episcopus sui capituli et patronorum ipsius monasterii vestri ad id accedente consensu in ipsum ordinem Cisterciensem inducens fecit illud per fratres vestri ordinis reformari, verum cum postmodum . . abbas et capitulum ecclesie sancte Marie Wratislaviensis eiusdem ordinis sancti Augustini fulti laycali potentia dictos fratres vestros ab ipsa ecclesia, quam asserebant sibi esse subiectam, per violentiam eiecissent, tandem tam vos quaru iidem abbas et capitulum in nos tunc archidiaconum Leodiensem capellanum sedis apostolice ab eadem sede ad partes Polonie destinatum super hoc compromittere cuncorditer curavistis nosque de consilio venerabilis fratris nostri P. Cracoviensis et bone memorie N. Lubusensis episcoporum et quorundam aliorum proborum virorum, qui de consensu partium nobis additi fuerant assessores, inter alia reduximus vos in possessionem monasterii supradicti eisdem abbati et capitulo super eo perpetuum silentium impunendo ac facientes libros, instrumenta et res alias utrimque restitui statuimus inter vos et ipsos quedam salubria et honesta, prout in patentibus litteris confectis exinde sigillis eorundem episcopi et capituli Wratislaviensis signatis plenius continentur. Nos igitur vestris supplicationibus inclinati, quod super hiis a nobis tunc factum extitit ratum habentes et firmum illud auctoritate apostolica confirmamus et presentis scripti patrocinio communimus tenorem litterarum ipsarum presentibus de verbo ad verbum inseri facientes qui talis est: In nomine domini - No. IX. - fecimus insingniri. Nulli ergo omnino hominum etc. Si quis autem etc. Datum Viterbii V. Idus Maii pontificatus nostri anno primo.
B. Mess.

Or. Perg. An rothgelbseidner Schnur hängt das Bleisiegel. Regesten No. 1116. Fehlt bei Potthast.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.